लाल भोपळ्याचे घारगे रेसिपी / Upvas Special Gharge Recipe in Marathi

     उपवासासाठी खुसखुशीत, गोड आणि पौष्टिक लाल भोपळ्याचे घारगे घरी कसे बनवायचे याची सोपी आणि पारंपरिक रेसिपी येथे दिली आहे. उपवासाच्या दिवशी नेहमीचे साबुदाणा खिचडी, वडे किंवा थालीपीठ खाऊन कंटाळा आला असेल तर ही वेगळी आणि चविष्ट रेसिपी नक्की ट्राय करा.
     लाल भोपळा, गूळ आणि भगर पीठ वापरून बनणारे हे घारगे चविष्ट, खुसखुशीत आणि आरोग्यदायी असतात. उपवासासाठी योग्य असा हा गोड पदार्थ ऊर्जा देणारा आणि पचायला हलका असतो. लहानांपासून मोठ्यांपर्यंत सर्वांना आवडणारा हा पारंपरिक पदार्थ सण किंवा उपवासासाठी उत्तम पर्याय आहे.
     ही रेसिपी अगदी कमी साहित्यामध्ये आणि सोप्या पद्धतीने तयार करता येते. चला तर मग पाहूया उपवासासाठी खास लाल भोपळ्याचे घारगे कसे बनवायचे.

घरगुती पद्धतीने तयार केलेले लाल भोपळ्याचे घारगे

लाल भोपळ्याचे घारगे बनवण्यासाठी लागणारे साहित्य :-

• २५० ग्रॅम लाल भोपळा
• २ वाट्या वरई पीठ/भगर पीठ 
• पाऊण वाटी किसलेला गूळ
• १ चमचा वेलचीपूड
• मीठ 
• तळण्यासाठी तेल किंवा तूप

ही रेसीपी सुदधा नक्की करून पहा :- साबुदाणा वडा

                                                           रताळ्याची बर्फी 

लाल भोपळ्याचे घारगे बनवण्याची कृती :- ( Step by Step Method )

Step 1 - भोपळा वाफवणे

सर्वप्रथम लाल भोपळ्याची साल काढून चौकोनी फोडी करा. कुकरमध्ये थोडे पाणी घालून भोपळ्याच्या फोडी एक शिट्टी होईपर्यंत वाफवून घ्या.

Step 2 -गूळ मिसळणे

भोपळा गरम असतानाच त्यात किसलेला गूळ आणि चिमूटभर मीठ घालून चांगले मिक्स करा. मिश्रण १०–१५ मिनिटे झाकून ठेवा.

Step 3 - पीठ मळणे

मिश्रण थंड झाल्यावर त्यात चाळलेले भगर पीठ घाला आणि घट्ट गोळा मळून घ्या. आवडीनुसार वेलची पूड घालू शकता.

Step 4 - घारगे तयार करणे

पीठ जास्त वेळ ठेवू नका. प्लास्टिक शीट किंवा बटर पेपरला तूप लावून त्यावर पुऱ्यांसारखे घारगे थापा किंवा लाटून घ्या. 

Step 5 — तळणे

कढईत तेल किंवा तूप गरम करून मध्यम आचेवर घारगे सोनेरी रंग येईपर्यंत दोन्ही बाजूंनी तळून घ्या.

काही सुगरण टिप्स -

• भोपळा गरम असताना गूळ मिसळल्यास चव छान येते.
• पीठ जास्त सैल होऊ देऊ नका.
• मध्यम आचेवर तळल्यास घारगे खुसखुशीत होतात.
• तूप वापरल्यास चव अधिक छान लागते.
• पीठ जास्त वेळ ठेवल्यास पाणी सुटते, म्हणून लगेच घारगे बनवा.

लाल भोपळ्याचे घारगे खाण्याचे फायदे -

• उपवासासाठी ऊर्जा देणारा पदार्थ.
• पचायला हलका.
• गुळामुळे नैसर्गिक गोडवा.
• भोपळ्यामध्ये व्हिटॅमिन A भरपूर असते.
• घरगुती व पौष्टिक रेसिपी.

 FAQ - नेहमी विचारले जाणारे  प्रश्न

Q1. घारगे उपवासात खाऊ शकतो का?

हो, भगर पीठ वापरून केलेले घारगे उपवासासाठी योग्य आहेत.

Q2. घारगे मऊ कसे होतात?

भोपळा गरम असताना गूळ मिसळल्यास घारगे मऊ आणि चविष्ट होतात.

Q3. घारगे तळताना फुटतात का?

पीठ घट्ट मळल्यास घारगे फुटत नाहीत.

Q4. साखरेऐवजी गूळ वापरू शकतो का?

हो, गूळ वापरल्यास चव आणि पौष्टिकता वाढते.

    गरमागरम लाल भोपळ्याचे घारगे दही तुपासोबत खूप छान लागतात. अशा प्रकारे तयार झालेले खमंग, गोड आणि खुसखुशीत लाल भोपळ्याचे घारगे उपवासासाठी उत्तम पर्याय आहेत. ही पारंपरिक रेसिपी तुम्हाला आवडली तर नक्की करून पहा आणि आपल्या मित्र-मैत्रिणींना शेअर करा.

🙏 धन्यवाद.

श्री स्वामी समर्थ