सोया नगेटस् / Soya nuggets recipe
Aajcha bet recipes च्या या लेखामध्ये सोया चंक्स पासून बाजारात मिळतात तसे क्रिस्पी सोया नगेटस कसे करायचे याची रेसिपी दिलेली आहे.आजकाल फास्ट फूडचा जमाना आहे. अगदी लहानांपासून मोठ्यांपर्यंत सर्वांनाच बाहेरचे पदार्थ खायला आवडतात. अचानक एखादा चमचमीत पदार्थ खायची इच्छा झाली तर फक्त एका क्लिकवर तो पदार्थ घरबसल्या मागवला जातो. त्यासाठी डिलिव्हरी चार्जेस आकारले जातात. अनेक मोठ्या कंपन्या फूड बिजनेस करू लागल्या आहेत. ग्राहकांच्या मागणीनुसार सर्वच पदार्थ ऑनलाइन मागवले जातात. परंतु प्रत्येकाला हे परवडत नाही. आज-काल सोशल मीडियावर हे सर्व पदार्थ कसे करायचे? याच्या रेसिपीज पाहायला मिळतात. अशीच एक वेगळ्या प्रकारची हटके रेसिपी मी या लेखात दिली आहे.
KFC या ब्रँडचे अनेक पदार्थ प्रसिद्ध आहेत. चिकन नगेटस् बऱ्याच जणांना खायला आवडतात. परंतु शाकाहारी लोकांना हे पदार्थ खाता येत नाहीत. म्हणूनच चिकन ऐवजी जरा ट्विस्ट देऊन ही रेसिपी बनवली आहे. चला तर मग पाहूया सोया चंक्स पासून पासून बनवलेले टेस्टी Soya nuggets recipe!!
सोयाबीन हे भरपूर प्रोटीन आणि फायबर चा स्त्रोत आहे. म्हणूनच मांसाहार न करणाऱ्या लोकांचा प्रोटीनचा साठा भरून काढण्यासाठी डॉक्टर, आणि आहार तज्ञ आहारात सोयाबीनचा वापर करण्यासाठी सांगतात. परंतु सोयाबीन ची भाजी अनेक जणांना आवडत नाही. म्हणूनच सोया पुलाव, सोया मिल्क, सोया पासून बनवलेले पनीर(तोफू) अशा अनेक पदार्थातून सोयाबीन आहारात वापरले जाते. म्हणूनच सोया चंक्स पासून बनवलेली ही रेसिपी 💯अगदी सगळेच आवडीने खातील.
 |
| Soya nuggets recipe |
साहित्य :-
कृती :-
- सर्वप्रथम बाजारात मिळणारे सोया चंक्स स्वच्छ धुऊन१५ मिनिटांसाठी गरम पाण्यात भिजत घालून ठेवावेत.
- भिजल्यानंतर मिक्सरच्या भांड्यात घालून हिरव्या मिरच्या, कोथिंबीर घालून सर्व मिश्रण पाणी न घालता वाटून घ्यावे.
- आता हे वाटलेले मिश्रण एका बाऊलमध्ये काढून त्यामध्ये उकडलेला बटाटा कुस्करून घालावा. वरून धने जिरे पावडर, चाट मसाला, चिली फ्लेक्स, थोडी काळी मिरी पूड, मीठ, थोडे कॉर्नफ्लॉवर घालून मिश्रण व्यवस्थित एकजीव करून घ्यावे.
- या मिश्रणाचे लांबट आकाराचे कटलेट करून घ्यावेत. कॉर्न फ्लेक्स ची भरड करून घ्यावी. दोन चमचे मैद्यात पाणी घालून पातळसर स्लरी करून घ्यावी.
- सोयाचे नगेटस् कॉन्फ्लेक्सच्या भरडमध्ये घोळवून नंतर मैद्याच्या स्लरी मध्ये बुडवून कडकडीत तेलात तांबूस रंगावर तळून घ्यावेत. अशाप्रकारे सर्व नगेटस् कुरकुरीत तळून टोमॅटो सॉस आणि मेयोनीज सोबत सर्व्ह करावे.
0 टिप्पण्या